Mae diet iach a chytbwys yn cefnogi gweithrediad arferol y system imiwnedd. Gall y rhan fwyaf o bobl gael yr holl fitaminau a mwynau sydd eu hangen arnynt trwy fwyta diet iach a chytbwys, ac eithrio fitamin D.
Mae fitamin D yn helpu i reoleiddio faint o galsiwm a ffosffad sydd yn y corff. Mae angen y maetholion hyn i gadw esgyrn, dannedd a chyhyrau'n iach.
Gallwch gael Fitamin D o rai bwydydd gan gynnwys pysgod olewog, wyau a bwydydd wedi'u cryfhau fel grawnfwydydd, cynhyrchion soi a lledaeniadau.
Mae eich corff yn cynhyrchu Fitamin D o dan eich croen pan fyddwch chi yn yr awyr agored yng ngolau dydd. Yn ystod misoedd yr hydref a'r gaeaf, pan fyddwch chi'n treulio mwy o amser dan do, efallai y byddwch chi'n cael trafferth cynhyrchu digon o Fitamin D yn naturiol.
Er mwyn eich helpu i gael digon o Fitamin D, argymhellir y dylai pawb (gan gynnwys plant dros 1 oed) ystyried cymryd atchwanegiad dyddiol sy'n cynnwys 10 microgram (400 IU) o Fitamin D, yn enwedig yn ystod misoedd y gaeaf (Hydref i Fawrth). Gellir dod o hyd i atchwanegiadau fitamin D yn y rhan fwyaf o archfarchnadoedd a fferyllfeydd.
Rydym yn argymell eich bod yn cymryd atchwanegiad sy'n cynnwys deg microgram (400 IU) o Fitamin D drwy gydol y flwyddyn os ydych chi:
Mae rhagor o wybodaeth am Fitamin D ar gael ar Daflen Ffeithiau Bwyd Fitamin D gan Gymdeithas Deieteg Prydain (BDA).
Rydym yn croesawu gohebiaeth a galwadau ffôn yn y Gymraeg neu'r Saesneg. Atebir gohebiaeth Gymraeg yn y Gymraeg, ac ni fydd hyn yn arwain at oedi.