Aros yn Iach: Siarter Cleifion Annog, Atal ac Amser Paratoi Bae Abertawe

Gall aros am driniaeth neu lawdriniaeth fod yn amser pryderus, ond mae hefyd yn cynnig cyfle pwysig i gymryd camau cadarnhaol i fod mor ffit ac iach â phosibl cyn llawdriniaeth.

Er enghraifft, bydd cadw'n heini, bwyta'n iach a rhoi'r gorau i ysmygu yn eich helpu i 'aros yn iach' drwy roi hwb i'ch iechyd a'ch lles cyffredinol. Bydd hyn yn cefnogi canlyniad triniaeth well, ac adferiad cyflymach.

Yn ystod y cyfnod hwn - ac wedi hynny - mae'n bwysig bod gennych y wybodaeth sydd ei hangen arnoch gan y bwrdd iechyd i'ch cefnogi, bod y wybodaeth hon yn hygyrch, a bod eich anghenion cyfathrebu yn cael eu diwallu.

Mae Aros yn Iach yn cael ei danategu gan dair prif egwyddor, a elwir weithiau yn ‘3P’ yn Saesneg:

Annog penderfyniadau a ffyrdd iach o fyw
I Atal eich iechyd neu gyflwr rhag gwaethygu
Defnyddio eich Amser Paratoi ar gyfer eich triniaeth, a'ch adferiad, i fod yn llwyddiant

Yn ogystal, byddwn yn eich cefnogi a'ch annog i gymryd mwy o ran a rheoli eich gofal iechyd eich hun, gan weithio mewn partneriaeth â'n timau clinigol.

Mae hyn nid yn unig yn ystod y cyfnod cyn eich triniaeth, ond wedi hynny, cyhyd ag y bydd angen hynny.

Gallwch ddisgwyl:

Gofal cyfannol sy'n canolbwyntio ar yr unigolyn

I gael cymorth ar gyfer eich lles emosiynol yn ogystal â chorfforol, ac anghenion eraill, wrth aros
I gael cyswllt rheolaidd gyda'r tîm rheoli eich arhosiad

Cyfathrebu

I gael gwybodaeth sy'n hygyrch i chi, ac i gael eich anghenion cyfathrebu unigol wedi'u bodloni
Byddwch yn gwybod bod eich atgyfeiriad wedi'i dderbyn a pha restr aros yr ydych arni
Gallwch ddewis sut mae gwasanaethau'n cyfathrebu â chi
Rydych chi'n gwybod sut i gael gwybodaeth am ba gymorth sydd ar gael i chi trwy dudalennau gwefan Aros yn Iach Bae Abertawe
Gallwch gael mynediad at y wybodaeth ddiweddaraf am eich amser aros
Gallwch roi gwybod i'r tîm os yw'ch symptomau neu'ch sefyllfa yn gwella neu'n gwaethygu

Gwybodaeth

Mae gennych fynediad at wybodaeth ac addysg glir am eich cyflwr, gan gynnwys yr hyn sydd ar gael yn eich cymuned i helpu eich hunanreolaeth
Mae gennych ymwybyddiaeth o'r gwahanol opsiynau triniaeth sydd ar gael i chi
Gallwch gyrchu a deall y wybodaeth a gyfeiriwyd atoch
Gallwch roi adborth mewn fformat o'ch dewis am y gwasanaethau rydych wedi'u defnyddio, ac a ydynt wedi gwneud gwahaniaeth
Mae gennych chi wybodaeth am yr offer digidol ac ar-lein sy'n cael eu cynnig i'ch helpu chi i reoli eich gofal iechyd yn well, gan weithio ochr yn ochr â'ch tîm clinigol
Rydych chi'n deall y rhesymau pam mae angen i chi ddarparu gwybodaeth ac adborth, ac yn gwybod at beth y caiff ei ddefnyddio

Gwneud penderfyniadau ar y cyd

Mae gennych y wybodaeth a'r gefnogaeth i gael yr hyder i weithio fel partner cyfartal yn eich gofal eich hun
Rydych chi'n gwybod am yr opsiynau sydd ar gael i chi o ran triniaeth, mae'r cymorth sydd ar gael i chi wedi'i drafod gyda chi
Rydych wedi cael digon o wybodaeth i’ch helpu i wneud penderfyniadau gwybodus am eich gofal a’ch cymorth
Mae gennych wybodaeth glir am ddisgwyliadau wrth baratoi ar gyfer eich triniaeth a'ch llawdriniaeth

Safonau

Fel bwrdd iechyd byddwn yn cynnal y safonau canlynol:

Safonau'r Gymraeg

Safonau Cymru Gyfan ar gyfer Cyfathrebu a Gwybodaeth Hygyrch i Bobl â Nam ar y Synhwyrau

Ewch yma i weld y safonau Hygyrchedd ar gyfer LLYWODRAETH CYMRU

Yn ogystal, byddwn yn gweithio i fynd i’r afael ag anghydraddoldebau fel y nodir yn Rheoliadau Deddf Cydraddoldeb 2010 (Dyletswyddau Statudol) (Cymru) 2011 ac yn cynnal Asesiad o’r Effaith ar Gydraddoldeb yn barhaus i lywio ein gwaith.