Sut i ddweud pwy yw pwy

Pan fyddwch chi'n ymweld ag un o'n hysbytai neu'n mynychu clinig, fe welwch lawer o wisgoedd o wahanol liwiau. Mae gan bob lliw rôl arbennig i'ch helpu i wella.

Nyrsys – mae llawer o wahanol fathau o nyrsys ar y ward ac oddi ar y ward a fydd yn eich helpu i wella yn dibynnu ar yr hyn sydd ei angen arnoch:

• Mae gweithwyr cymorth gofal iechyd yn gwisgo gwyrdd tywyll. Mae'r rhain yn helpu'r nyrsys ar y ward i roi'r gofal sydd ei angen arnoch tra byddwch ar ward.

• Mae nyrsys staff yn gwisgo glas golau. Dyma'r nyrsys sy'n eich helpu i wella o ddydd i ddydd tra ar y ward.

• Mae prif nyrsys yn gwisgo glas tywyll. Mae'r rhain hefyd yn nyrsys ond nhw sydd â gofal am bawb ar y ward.

• Nyrsys Clinigol Arbenigol – nyrsys arbenigol yw’r rhain a fydd yn gofalu amdanoch chi ac yn eich helpu chi gyda phethau arbennig sy’n gwneud i chi deimlo’n sâl fel alergedd neu ddiabetes.

Meddygon - mae yna lawer o wahanol fathau o feddygon sy'n gwisgo llawer o wahanol liwiau fel llwyd neu las a fydd yno i'ch helpu i wella.

Ffisiotherapyddion - mae ffisiotherapyddion yno i'ch helpu i symud eto os ydych wedi cael eich anafu neu ar ôl i chi gael llawdriniaeth.

Pobl bwysig eraill y gallech eu gweld ar y ward…

Derbynyddion – mae derbynyddion fel arfer yn eistedd ar flaen y ward neu’r adran cleifion allanol y tu ôl i ddesg. Byddant yn gallu eich helpu gydag unrhyw gwestiynau sydd gennych am eich arhosiad ar y ward ac unrhyw apwyntiadau.

Porthorion – mae porthorion yno i’ch helpu i symud o gwmpas yr ysbyty os oes angen i chi fynd am belydr-X neu i fynd â chi i lawr i theatr os oes angen llawdriniaeth arnoch. Mae porthorion yn gwisgo crysau polo glas.

Fferyllwyr – mae fferyllwyr yno i helpu i roi eich meddyginiaeth at ei gilydd ac i helpu i egluro beth ydynt a sut y byddant yn eich helpu i wella. Mae fferyllwyr yn gwisgo gwisg wyrdd golau.

Tîm chwarae – mae'r tîm chwarae yn gwisgo topiau llachar, amryliw. Byddant yn darparu llawer o weithgareddau chwarae ac yn eich helpu i ddeall eich llawdriniaeth neu weithdrefn yn ystod eich arhosiad gyda ni.