Uwchraddiad mawr ar gyfer gwres a dŵr poeth

Prif lun: Llestri ehangu gwresogi newydd ac uned gwasgedd

Mae systemau gwresogi a dŵr poeth Ysbyty Singleton yn cael eu huwchraddio'n sylweddol.

Mae offer ystafell offer presennol yn cael ei ddisodli gan dechnoleg sy'n defnyddio llai o ynni, yn fwy effeithlon ac yn haws i'w gynnal a'i gadw.

Dywedodd y swyddog ystadau Gareth Morris fod y prosiect hefyd o fudd i'r Uned Sterileiddio a Dadheintio Ysbyty (HSDU), sy'n glanhau offer a ddefnyddir mewn theatrau ac mewn rhai gwasanaethau cymunedol megis deintyddion.

Rydym yn tynnu sylw at y gwaith hwn fel rhan o'n hymgyrch i ddathlu ein timau cynllunio cyfalaf ac ystadau.

“Nid yw’r cyhoedd, a’r rhan fwyaf o staff, yn gweld y rhannau hyn o’n hysbytai, ond maent yr un mor bwysig i gyflenwi gwasanaethau iechyd â’r rhannau y byddant yn dod i gysylltiad â nhw,” meddai Gareth.

“Ar adegau fe all y gwaith olygu bod yn rhaid i ni gau rhai systemau dros dro, felly rydyn ni’n gweithio’n agos iawn gyda theatrau ac adrannau eraill i sicrhau eu bod nhw’n gallu gwneud cynlluniau i gyfyngu ar yr aflonyddwch y gallai ei achosi.”

Dywedodd fod gwaith yn ystafell offer islawr yr HSDU a’r bloc theatr yn cynnwys cyfnewid pympiau newydd gyda hen bibellau stêm ac ailosod hen bibellau stêm, ac offer cynhyrchu gwres - yr oedd angen eu tynnu, eu hailosod a’u harchwilio bob dwy flynedd - gyda chyfnewidwyr gwres plât stêm math newydd sy’n llawer mwy effeithlon wrth wresogi dŵr poeth.

Ychwanegodd Gareth: “Yn ogystal â’r gwaith, rydym yn uwchraddio pibellau, falfiau a rheolyddion.

“Mae’r holl waith yn gwella effeithlonrwydd ystadau a pheiriannau’r safle wrth symud ymlaen.”